كشف الإعلامي عمرو أديب؛ عن رأيه في  الحوار الذي أجرته ميجان زوجة الأمير هاري حفيد ملكة بريطانيا مع الإعلامية الامريكية أوبرا وينفري.
وقال أديب خلال برنامج "الحكاية" المذاع على قناة "mbc مصر": "تسألني عن رأيي ده اسمه بطر تبقى قاعد واكل شارب نايم أمير رايح جاي مخصصات ملكية معرفش اللي ضايقه لكن الولية هي اللي لعبت في دماغ هاري"، مضيفا :" ميجان بتقول  احنا مكناش بنشعر بخصوصيتنا خلال تواجدنا في القصر؛ على أساس أنها عايشة في أوضة وصالة مع حماتها وملكة بريطانيا بتطلع تنكد عليها كل يوم وتقولها عملتي الأكل ولا لا".
واستطرد :" الناس ديه مش قاعدين في أوضتين وصالة كل واحد فيهم عنده قصر يرمح فه الخيل 5 أيام .. أنا بصراحة مش متعاطف مع هاري وميجان .. ياميجان انتي واخذة واحد من العائلة المالك ة متعرفش ليه بوظت حياة الراجل  وبصراحة الجوازة ديه مش هتكمل كثير".

وواصل أديب:"في اعتقادي أن المستفيد الوحيد من الحوار هي الإعلامية أوبر لأنها  باعت الحوار بما يقرب من 9 ملايين دولار".